உடை பார்த்து, உணவு பார்த்து
பணம் பார்த்து, பொருள் பார்த்து
பழக்கமதில் ஒன்றிணைந்து
பறப்பதல்ல காதல்

காதல் என்ற பொய்மொழியை
கண்களாலே தினமும் பேசி
சாகாமல் ஆண்களைச் சாகடித்து
சாதிப்பதில் இல்லை காதல்

கணவனாக வேறொருவன் கரம்பிடித்து
காதலனின் மனம் மிதித்து
கடைசிவரை நோகடித்து
சோதிப்பதில் இல்லை காதல்

சேலை மாற்றும் பழக்கம் விட்டு - மாறாய்
ஆளை மாற்றும் பழக்கம் தொட்டு
நாளைக் கழித்து நலமாய் வாழ
நடிப்பதில் இல்லை காதல்